Heimsins besti kjúklingur

...ég myndi reyndar ekki ganga svo langt að segja það, en þessa uppskrift fann ég á mbl.is:

4 kjúklingabringur
1/2 bolli dijon sinnep
1/4 bolli hlynsýróp
1 msk rauðvínsedik
salt og pipar eftir smekk
Smá rósmarín

Fyrst er kveikt á ofninum og hann stilltur á 220°c. Svo er blandað saman sinnepinu, sýrópinu og edikinu, sett kjúklinginn í ofnfast mót og hellt blöndunni yfir hann. Saltað og piprað. Látið inní ofninn í 30-40 mínútur eða þar til kjúklingurinn er fulleldaður. Loks er stráð yfir söxuðu rósmaríni.

Þetta er einfaldasta kjúklingauppskrift sem ég veit um og smakkast mjög vel :)

 

Tvær tegundir ad "Chocolate Decadence" smákökum

Innihald í hvora uppskrift fyrir sig:

• 280gr af 70% súkkulaði, bitað niður
• 60gr dökkur súkkulaðispænir
• 60gr smjör
• 3 stór eggs
• 236gr sykur
• 180gr hveiti
• 3/4 teskeið lyftiduft
• 1/4 teskeið salt

*Auk þessa er 1 dolla af hnetusmjöri og 1 dolla af Nutella.

1. Súkkulaði og smjör er sett í glerskál yfir pott með smá vatni í og á heita hellu og hrært í þangað til það er bráðnað vel saman. Svo er blöndunni leyft að kólna örlítið. Því næst er eggjunum og sykrinum blandað saman við og svo hveitinu, lyftiduftinu og saltinu. Loks er plastfilma sett yfir skálina og deigið kælt í u.þ.b. 2 tíma.

2. Deigið er látið standa í stofuhita í 15 mínútur. Bökunarpappír er settur á plötur og svo er ein teskeið af deigi hnoðað í kúlu og raðað á plötuna með c.a. 2cm millibili. Ofninn er látinn hita sig í 180°C

a. Hnetusmjörs kökur: Þá er einum putta ýtt niður í kúlurnar til að mynda smá holu og í holuna er sett um 1/4 teskeið af hnetusmjöri.

 

 

 

 

 

 

 

b. Nutella kökur: Kúlurnar eru flattar út (Nutella smjörinu er svo smurt á milli þeirra eftir bökun og búnar til samlokur).

 

 

 

 

 

 

 

Kökurnar eru svo bakaðar í 12-15 mínútur eða þangað til þær líta ekki lengur út fyrir að vera blautar.

Hlekkur á upprunalegu uppskriftirnar: http://www.myrecipes.com/recipe/chocolate-decadence-cookies-10000001940831/

Hindberjasultukökur

Innihald:

3 bollar af hveiti
1 og 1⁄2 bolli af smjöri
1 bolli sykur
2 stórar eggjahvítur, lítt þeyttar
1⁄2 teskeið salt
1 krukka hindberjasulta

Hveitinu, sykrinum og saltinu er hrært saman í stórri skál. Svo er smjörinu bætt við og hrært þangað til blandan líkist grófu mjöli. Því næst er eggjahvítunum blandað saman við þangað til deig myndast, og svo er það kælt, vafið í sellófan og geymt í ísskáp í a.m.k. 2 klst.

Að kælingu lokinni er deigið tekið og út og látið standa aðeins. Næst er gert úr því litlar kúlur sem raðað er á bökunarpappír ofan á ofnplötu. Einum putta er svo ýtt í miðjuna til að búa til holu og sulta sett þar ofan í með teskeið (stundum þarf að laga brúnirnar svolítið). Þessu er loks skellt inn í ofn á 180°C í 12-15 mínútur.

Hlekkur á upprunalegu uppskriftina:http://www.ivillage.ca/food/recipes/aunt-sis%E2%80%99s-strawberry-tart-cookies

Ítalskar jólasmákökur

1/2 bolli smjör, mjúkt

3/4 bolli sykur

4 egg

2 teskeiðar vanilludropar

3 bollar hveiti

3 teskeiðar lyftiduft

Gott er að byrja á því að taka eggin úr ísskápnum og láta þau standa á eldhúsborðinu þangað til þau ná stofuhita, eða í c.a. 20-30 mínútur.

Fyrst eru eggin þeytt í um 5 mínútur eða þangað til þau eru orðin létt og froðukennd. Svo eru þau lögð til hliðar og hveitinu, sykrinum og lyftiduftinu blandað saman á lágum hraða. Næst er smjörinu og vanilludropunum blandað smám saman við og svo loks eggjahrærunni. Deigið er svo hnoðað saman og rúllað upp í c.a. 1 cm kúlur og sett á plötu, með bökunarpappír, með góðu millibili. Kökurnar eru svo bakaðar á 180°C í 10-12 mínútur. Uppskriftin dugir í hátt í 200 kökur. Þegar þær eru tilbúnar eru þær látnar standa og kólna í smá stund og á meðan er glassúrið gert.

Glassúr:

3-3/4 bollar flórsykur
1/2 bolli hituð mjólk
2 teskeið vanilludropar
Skrautsykur

Þessu er hrært saman og látið blandast vel. Svo er glassúrið látið á kökurnar með skeið og skrautsykri dreift yfir áður en það storknar.

Hlekkur á upprunalegu uppskriftina:  http://www.decorating-ideas-made-easy.com/italian-christmas-cookies.html

Ferskt salat í nesti

Stundum bý ég mér til ferskt salat til að taka með í nesti í vinnuna.

Innihald:

1 dolla af túnfisk í vatni

1/4-1/2 rauðlaukur

Al Falfa spírur

Feta ostur

Gúrka/tómatar/Paprika

Spínat

CroustiSalad Jurta og hvítlauks brauðteningar

Ég nýti svo ísbox undir salatið og dugar það í tvo hádegisverða.

Þetta salat finnst mér voða gott ;) 

Haustferð til Minneapolis

Stakk af til Minneapolis í viku núna í byrjun október :)

Blandaðir ávextir

Það er svo sniðugt að skera niður ávexti og geyma til að eiga eitthvað gott að grípa í inn í ísskáp. Ég er farin að gera þetta öðru hvoru og ætla að verða duglegri... prufa að blanda saman mismunandi ávöxtum og jafnvel bæta einhverju fleiru við ef mér dettur eitthvað hollt í hug sem myndi passa vel með ;)

Föstudagsnammi

Fann þessa inn á mbl.is og varð bara að prufa, en breytti henni reyndar aðeins:

1 bolli hnetusmjör

2/3 bolli hunang

1/2 bolli kókosolía

1 spjald af 70% súkkulaði, brytjað

c.a. 1 bolli gróft haframjöl

c.a. 1 bolli Hakkaðar Cashew hnetur

c.a. 1 bolli Kókosmjöl

Smá möndlukurl

Hnetusmjörinu, hunanginu og kókosolíunni er skellt saman í pott og hitað þangað til það hefur blandast vel saman. Þá er blandan tekin af hellunni og bætt út í hana súkkulaðinu, haframjölinu, hnetunum og kókosmjölinu og hrært vel í blöndunni. Síðan er bökunarpappír settur í botninn á eldföstu móti (eða bara einhverju móti), sá möndlukurli dreift ofan á og loks skellt inn í frysti í c.a. klukkustund. Þegar blandan er orðin hörð er hún skorin í litla bita. Þetta er ótrúlega einfalt í framkvæmd og rosalega gott ;)

Hér er hlekkur inn á upprunalegu uppskriftina: http://www.mbl.is/smartland/matur/2013/08/18/eftirrettur_i_hollari_kantinum/

Bleikt epli

Þessari samsetningu stal ég af einhverri búst-búllunni:

2 appelsínur (kreistar í safapressu)

2 epli (flysjuð og skorin niður)

Slatti af jarðaberjum og hindberjum (keypt frosin og afþýdd)

Öllu skellt saman í blandara og svo hellt í glas og drukkið með bestu lyst :)

Grískt jógúrt með berjablöndu og chia fræjum

... er hollur og góður morgunmatur ;)